ՕՀՖԱՐ ակադեմիայի վերապատրաստումները HENAR CHW ծրագրի և Հայկական մանկաբույժների ասոցիացիայի հետ համագործակցությամբ

2026 թվականի մայիսի 13-ին OHFAR-ի թիմը, համագործակցելով HENAR – Հայաստանի առողջապահական ցանցի (Health Network for Armenia) Համայնքային առողջապահության աշխատողների (CHW) ծրագրի հետ, անցկացրեց առցանց վերապատրաստում՝ «Փրկելով մեծահասակների ժպիտները գյուղական Հայաստանում» թեմայով։ Դասընթացը համախմբեց միջազգային փորձն ու տեղական առողջապահական ներուժը՝ նպատակ ունենալով բարձրացնել գյուղական համայնքներում բերանի խոռոչի առողջության վերաբերյալ իրազեկվածությունը և խթանել կանխարգելիչ ատամնաբուժական խնամքի կիրառումը։

Վերապատրաստումը վարեցին՝

• Դոկտոր Առնոլդ Վայս, DDS, MScD, FACD՝ OHFAR-ի նախագահ, Թաֆթսի համալսարանի Ատամնաբուժական դպրոցի ասոցիացված կլինիկական պրոֆեսոր
• Դոկտոր Հռիփսիմե Խաչյան՝ մանկական ատամնաբույժ և OHFAR-ի կլինիկական մասնագետ

Դասընթացի ընթացքում նրանք ներկայացրին ապացույցների վրա հիմնված մոտեցումներ՝ ուղղված բերանի խոռոչի առողջության բարելավմանը՝ առանձնահատուկ կարևորելով կանխարգելումը, վաղ միջամտությունը և համայնքահեն առողջապահական խնամքի մոդելները։

Վերապատրաստման հիմնական նպատակն էր զարգացնել համայնքային առողջապահության աշխատողների (CHW) կարողությունները՝

• բարձրացնելու գյուղական բնակչության իրազեկվածությունը բերանի խոռոչի առողջության վերաբերյալ,
• խթանելու կանխարգելիչ ատամնաբուժական խնամքի կիրառումը,
• աջակցելու բերանի խոռոչի հիվանդությունների վաղ հայտնաբերմանը,
• ամրապնդելու առողջապահության տարբեր ոլորտների մասնագետների միջև համագործակցությունը։

Այս նախաձեռնությունն ընդգծեց կրթության և միջմասնագիտական համագործակցության կարևոր դերը առողջապահական ծառայություններից սահմանափակ օգտվող համայնքներում երկարաժամկետ առողջական արդյունքների բարելավման գործում։